Hvað er markþjálfun?

Markþjálfun er aðferðafræði, byggð á samtölum, sem miða að því að laða það besta fram hjá hverjum og einum. Með aðferðafræðinni gefst kostur á að auka yfirsýn og bæta árangur bæði í einkalífinu sem og í starfi. Þroskandi og skemmtilegt ferðalag sem kennir þér margt um sjálfan þig og getu þína til þess að ná betri árangri í lífi og starfi.

Meðal viðskiptavina

Markþjálfun hentar jafn einstaklingum sem fyrirtækjum.
  • Icelandic Lava Show

    Ragnheiður Ágústdóttir - eigandi Icelandic Lava Show

    Icelandic Lava Show

    Ragnheiður Ágústdóttir - eigandi Icelandic Lava Show

  • Andagift súkkulaðisetur

    Stofnendur

    Andagift súkkulaðisetur

    Stofnendur

  • Íris Magnúsdóttir

    Eigandi OZZ - markaðsstjóri til leigu

    Íris Magnúsdóttir

    Eigandi OZZ - markaðsstjóri til leigu

  • Valgerður Erlingsdóttir

    Bowentæknir

    Valgerður Erlingsdóttir

    Bowentæknir

«Markþjálfun hjá Stínu er algjört dúndur. Hún hefur hjálpað mér mikið að einfalda hlutina og öðlast betri yfirsýn með góðri markmiðasetningu og tímastjórnun. Stína er ótrúlega góður hlustandi, hefur skýra sýn og einfaldlega setur hlutina á þann stað sem þeir eiga að vera. Að eiga hana að er ómissandi fyrir sveimhuga eins og mig sem ætla sér að sigra heiminn á korteri með því að gera þúsund hluti í einu. Að fara í markþjálfun til Stínu er eins og sálfræðitími, skipulagsnámskeið og trúnó við vinkonu allt á sama tíma. Ef þú vilt gera vel við sjálfa/n þig og spara þér hellgins tíma í lífinu þá mæli ég hiklaust með markþjálfun hjá Stínu!»

«Ég hvet alla til að prófa að fara til Stínu í markþjálfun. Hún tók mig í nokkra tíma og það var akkúrat það sem ég þurfti til að átta mig á hvað var mikilvægast á þeim tímapunkti, blása mér eldmóð í brjóst og keyra á krefjandi verkefni sem höfðu vaxið mér í augum.»

«"Eftir að hafa farið í markþjálfun hjá Stínu gengur mér betur að skipuleggja mig. Mín helsta áskorun var að ná að halda ótal boltum á lofti ásamt því að koma á jafnvægi milli einkalífs og vinnu. Lausnin var frekar einföld þegar ég áttaði mig á henni. Púslin voru í raun öll á borðinu en Stína fékk mig til að raða þeim rétt saman. Ég mæli hiklaust með markþjálfun fyrir þá sem vilja skipuleggja sig betur."»

«Eftir að hafa komið í markþjálfun til Kristínar finn ég hversu mikið sjálfsstjórnin hefur aukist og er farin að tengja betur saman hugsanir mínar og tilfinningar. Það er ótrúlega mikið frelsi sem fylgir því að taka meðvitaða ákvörðun um að framkvæma eitthvað algjörlega út frá sjálfri mér og losna þar með við streituna sem fylgir efanum um hvort sú ákvörðun sé rétt. Í fyrsta skipti í langan tíma er ég einbeittari, markvissari og með skýr markmið.. Ég fann strax að þarna var kona sem gat hjálpað mér og þess vegna, með mikilli sannfæringu, mæli ég hiklaust með Kristínu sem markþjálfa.»

Um mig

 

Kristín Þórsdóttir (Stína)

 Síðastliðið haust var ég stödd á tímamótum og vissi ekki hvaða stefnu ég ætti að taka í lífinu. Ég hafði lengi hugsað um að fara í nám en vissi ekki hvað það ætti að vera. Ég ákvað að taka algjöra U-beygju og lærði markþjálfun. Ég var búin að setja líf mitt á bið allt of lengi og fannst ég þurfa að gera eitthvað fyrir sjálfa mig. Í gegnum súrt og sætt hefur lífið kennt mér að það eina sem stoppar mig í að ná framförum er ég sjálf. 

 

Það sem markþjálfun hefur gert fyrir mig

Markþjálfun hefur hjálpað mér mikið í sjálfskoðun minni og hvað það er sem ég vil fá út úr lífinu. Ég hef lært að þekkja styrkleika mína og sett mér raunhæf markmið, til skemmri og lengri tíma. Ég hef öðlast skýrari sýn og áttað mig á því að það eina sem stoppar mig í að fylgja draumum mínum er hugur minn.

 

Hvað get ég sem markþjálfi gert fyrir þig?

 Það sem ég tek mér fyrir hendur geri ég af krafti, einlægni og eldmóði. Með markvissum aðferðum leitumst við að því að opna augu þín fyrir þeim fjölmörgu tækifærum sem standa þér til boða í lífinu. 

 

Hefur þú leitt hugann að því:

af hverju ættir þú ekki að njóta lífsins og gera það sem þig langar til?

hvernig getur þú nýtt styrkleika þína til fulls?

hvað lærir þú ef þú prófar nýja hluti?

ef þér mistekst hvaða lærdóm dregur þú af því?

 

Niðurstaðan er skýr: Lífið er of stutt til að lifa því með eftirsjá.

"Lífið er núna"

 

Lesa meira...

Back to Top